李佳芯有「皮」氣江湖大嫂滴晒汗　黎諾懿馬國爆槍戰

藝人李佳芯最近在馬來西亞拍攝當地劇集，扮演江湖大嫂的她穿皮褸開工，氣勢十足，但熱到爆汗，她笑言：「因為每日出好多汗，所以可以食好多嘢！」

視后李佳芯（Ali）與黎諾懿現時於馬來西亞拍攝劇集《義和》，新劇破格演江湖大嫂的Ali開工時被網民發現行蹤，見她在酷熱天氣下穿皮褸進行拍攝，雖然造型氣勢十足，但見到都覺得熱！另有網民在街上拍得她穿黑色短褲晒長腿、長髮披肩的仙氣造型。

離巢第一擊不容有失

Ali去年底約滿無綫，結束12年賓主關係，《義和》是她離巢後首部劇集，她自然落足心機，Ali接受東網訪問時講到演江湖大嫂，令人耳目一新：「第一次演呢類角色，自己都好期待。」問到可適應在其他地方拍攝？她說：「啱啱先開工，劇本仲調整緊，適應中。」講到角色的皮褸造型霸氣十足，但會否難抵酷熱？她說：「今次角色造型劇組好有要求，皮褸、皮褲都要適應，但因為每日出好多汗，所以可以食好多嘢！」

黎諾懿與Ali繼無綫劇集《BB來了》多年後再合作拍劇，諾懿指二人近年在節目《仨心友行3》、《隨懿深度行》也合作無間，故拍劇不覺生疏，並大讚Ali一開工就投入角色，果然是視后。談到他扮演江湖大佬也相當大挑戰，要應付打鬥及槍戰動作戲份，他透露早於4月已開始操弗，至今已減掉10多磅，加上在馬來西亞拍攝天氣酷熱，笑言兩個月後回港，大家見他又黑又瘦，會以為他去了當兵！

東網網站 : https://on.cc/東網Facebook專頁 : https://www.facebook.com/onccnews/