拜仁隊長紐亞有興趣參加2026年世界盃

🚨根據圖片報消息，拜仁隊長兼龍門紐亞有興趣參加出年夏天世界盃，如果德國國家隊需要紐亞，呢位德國🇩🇪龍門唔會選擇拒絕。拜仁內部覺得如果達史特根去到出年春天都仲未復出，咁紐亞重返國家隊可能性會變得更大😉

💬德國名宿馬圖斯最近都有講到呢個話題「拿高士文需要認真考慮會唔會俾紐亞重返國家隊，因為達史特根好返之後都幾難係巴塞有上陣機會。當然，拿高士文仲有鮑文、紐布、利奴呢啲唔錯選擇。不過，如果拿高士文係嚟緊幾個月搵唔到100%信任嘅人選，當然可以考慮紐亞😉。」

馬圖斯又話「紐亞自己都要好好考慮同作出決定，因為紐亞係拜仁需要參加唔少比賽，之後仲可唔可以承受額外負擔。紐亞最近狀態都唔錯，但係就不斷受到傷病困擾🥲。」