張蔓姿推出悲情三部曲 譜寫一段虐心故事

張蔓姿最近以關係消逝為題，接連推出悲情三部曲，譜寫一段虐心故事。

「曾經專注看著你表情 最後你下落不明 我不信浪費感情」

你曾經係我生命中最重要嘅部分，眼中只有你面容，可惜我們再沒然後，無法再見。內心有眾多不明白，傷痛欲絕，難以接受，過往一切承諾與甜蜜，到依刻彷彿已毫無意義。只能安慰自己你只係暫時失蹤，唔係真正離我而去。

即使你肉身已下落不明，但喺我心中從來沒有消失。

「錯過了最美好的相戀時間 至發覺最美的不會消散 只差一些 已經得到世界」

沉溺喺傷心時，回憶不斷湧出，往往要到分離後回首，先發現當初嘅經歷原來如此美好。可惜彼此時機不對，無一齊走下去嘅緣份，遺憾且心酸。唯有將過去在腦海中永遠保存，喺另一個時空再續前緣。

由於時間關係，你已再不在旁，但至少我們快樂過。

「相遇 就會有分別 世界突變之時 快樂留在從前」

當時間一分一秒過去，慢慢由執著變成放低，即使仍有不捨，但明白到關係已成歷史，一切再無法回頭。人生有聚就有散，將以往嘅抱歉抹去，將曾經嘅快樂留在回憶，或者有日能夠再見。

後來知道了，多傷多痛，都終要學會接受與看開。

「到了後來當我們知我們後來會永遠不變」

張蔓姿嘅作品一向有種好特別嘅迷幻感覺，特別適合夜晚寂靜一片時開嚟欣賞，專心沉浸其中。依三部曲亦唔例外，彷似完整地感受一次失戀後嘅情緒波折，湧出強烈孤獨寂寞感。

「這失蹤的愛 如悲傷的海 讓眼淚覆蓋 」

Gigi近年唔少作品我都非常喜歡，屢聽不厭。佢仲親自參與作曲作詞，創造出一個獨特音樂宇宙，希望嚟緊再創作多啲故事，繼續比樂迷沉落去！

《下落不明》張蔓姿
曲：張蔓姿
詞：周耀輝 / 張蔓姿
編：Nic Tsui /李一丁
監：李一丁

《時間關係》張蔓姿
曲：張蔓姿
詞：周耀輝 / 張蔓姿
編：Ariel Lai
監：李一丁

《後來知道了》張蔓姿
曲：張蔓姿
詞：周耀輝 / 張蔓姿
編：hirsk
監：李一丁

▼Follow hkpopculturelover
Instagram: https://www.instagram.com/hkpopculturelover/