曾俊華認同永久實施「一國兩制」 釐清紅線能保香港金融地位：唔駛擔心郁下就犯法

【獨媒報導】香港經濟復甦不似預期，前財政司司長曾俊華今日在社交媒體撰文，稱近日有一位卡塔爾皇室家族辦公室負責人問他，「點解唔索性宣佈『一國兩制』，喺香港永久實施，唔駛再有 2047年呢個期限呢？」曾指「邏輯上，我係認同呢個諗法」，認為香港繼續成為「中國獨一無二嘅國際金融中心」，香港經濟「仲係有得搞」，如果要避免成為「國際金融遺址」，就應說清楚法例的紅線，「令大家唔駛擔心，郁下犯呢個法或者嗰個法」。

稱認同香港永久實施「一國兩制」

曾俊華今日在社交媒體Facebook撰文，指近日與一位卡塔爾皇室家族辦公室負責人會面，被問一些「有啲我都唔識答」的問題，例如「既然『一國兩制』，繼續實施資本主義對香港咁重要，點解唔索性宣佈『一國兩制』，喺香港永久實施，唔駛再有 2047 年呢個期限呢？」不過，曾俊華在文中未有提及如何回答該問題，僅稱「邏輯上，我係認同呢個諗法，希望國家可以從消弭外間對香港未來定位嘅疑慮，作策略上嘅考慮」。

至於該位負責人下文如何？曾俊華稱嘗試向他解釋香港的優勢，例如香港可以自由兌換貨幣、沒有資產增值稅及遺產稅，但就稱「香港嘅低稅率並唔係乜嘢誘因」，因為中東國家的利得稅同個人入息稅，「基本上都係零」，「無論點都好，希望今次會有下文喇」。

資料圖片

指香港經濟「仲有得搞」

曾俊華指，香港現時的經濟前景不明朗，「但係你話我太樂觀又好，唔認輸又好，我覺得香港仲係有得搞」。他稱，數天前與經濟學家、摩根士丹利亞洲區前主席羅奇（Stephen Roach）聚舊，他們不約而同認為香港生存之道，必須繼續成為一個不一樣的中國城市，「如果香港能夠繼續成為，中國獨一無二嘅國際金融中心，呢個唔單止對香港好，對國家都有好處」。

資料圖片

倡講清法例紅線保港金融地位 ：令大家唔駛擔心郁下就犯法

不過，曾俊華指要令香港維持國際金融中心地位，「而唔係被人講中成為『遺址』」，「都係要重建大家對呢個地方嘅信心，例如講清楚法例嘅紅線，令大家唔駛擔心，郁下犯呢個法或者嗰個法」。他指，當國際社會恢復對香港的信心後，就應該對外加強宣傳，尤其商貿物流等香港的強項，然後爭取更多國際航線及國際船隻來港，「當呢啲香港經濟主要命脈恢復生氣，自自然然就會帶動整體經濟，否則只係做啲微調，小修小補，根本作用有限」。

他又指，香港恰恰身處在中美兩國角力場的正中位置，自然成為受壓的一方，唯有希望國家可以給予更多空間香港，與漩渦保持一定距離，為國家發揮更大嘅作用。