張敬軒查粉絲名單支援災民　李幸倪全數捐出演唱會收益

大埔宏福苑五級火造成重大傷亡，近2000個受影響住戶正面對安置及重建難題。多名藝人相繼伸出援手，身體力行為災民提供支援。李幸倪（Gin Lee）宣布，將於明年2月7至8日舉行的兩場《GIN LEE 李幸倪 LIVE IN HONG KONG 2026》演唱會，所有門票收益全數捐出，用於救災及重建工作。

Gin Lee 在社交平台發文表示，近日持續關注火災新聞，心情沉重，又指市民在事故後展現守望相助精神，深受觸動。李幸倪強調：「香港係我嘅家，我好希望自己可以為呢個家付出一份力量，幫助有需要嘅人。」她透露已與公司商討，決定把兩場演唱會的全數收入捐出，希望能為受影響居民帶來支持。

多位藝人亦身體力行，以不同方式提供協助。有宏福苑居民在社交平台發文，指在混亂中接獲張敬軒官方歌迷會職員來電，指因翻查歌迷會紀錄時看到她的登記地址位於宏福苑，遂主動致電了解情況及提供支援。該居民其後收到一封寫上「Ms. Ma」及「from Hins and HCFC」的信封。

她在帖文中直言，收到支援時難以抑壓情緒：「見到面嘅時候忍唔住喊咗出嚟，呢兩日唔食唔瞓，安頓家中老人、幫街坊處理資訊、整理有用資料，完全冇時間處理自己情緒，嗰一刻有人關心自己，啲眼淚忍唔住。感謝 @hinscheung 嘅心意，感激 H-Crew 嘅奔波，你哋嘅付出令我喺無情嘅大火感受到溫暖，我會將呢份愛傳遞出去。」