蔡思貝一個人力撐張繼聰新作　感激人生首部電影扶她一把

視后蔡思貝近日節目多多，繼跟好姊妹陳瀅和賴慰玲等開心飯敍後，還有去捧張繼聰場，到戲院欣賞對方主演之新作《金童》，還特別在社交平台分享照片並寫下感言，一切從2015年說起，思貝指兩人起緣於她主演的第一部電影《陀地驅魔人》：「我入行嘅第一套電影，就已經有幸遇上張繼聰呢個好嘅哥哥前輩，第一個金像獎提名第一個金像獎頒獎典禮就係同佢坐，同佢行紅地氈。亦都係我暫時去過嘅唯一一個金像獎頒獎典禮。之後都已經冇機會再同佢合作。但係由2015年去到依家2025年呢10年期間，呢個前輩總會無啦啦就去鼓勵我，分享經歷，畀力量我，提醒我無論如何，要繼續做好自己，鍾意嘅就唔好放棄。佢自己都一直身體力行做緊呢件事。」

思貝還指明白每個人都好忙，每個人都有自己的夢要追，但張繼聰選擇抽時間去扶起他身邊的人，冇目的冇回報，所以，一直令思貝銘記，並非常尊敬及感激對方，對於《金》片，她直言對方又再一次完美演繹給大眾「比力」一番：「呢套戲佢又再一次，大大力咁將佢嘅力量分享比所有觀眾，又係一次唔容易，但係佢嘅熱誠繼續都係無比熱烈咁去擊破困難，終於令到呢套電影可以上映。首映禮我喺美國做嘢去唔到支持佢，終於，今日一個人，可以全神貫注投入去睇咗呢套戲。我為你嘅熱血而流淚，為你嘅誠意而微笑。讓我們大家的意志增回了一點。張繼聰就是有heart又有實力，佢真正做到－努力芬芳別人，同時也美麗自己。」

近年鮮有劇作的蔡思貝還自爆曾在街上曾被人問到：「思貝，你仲有冇拍嘢啊？」她直言自己即回應：「當然有啦！因為我都係唔會放棄的。」最後她向張繼聰喊話：「我希望不久將來好快再喺電影世界再碰上！祝福《金童》票房繼續上升。」對於思貝撰長文支持，張繼聰與太太謝安琪都有留言感謝，張繼聰更回話：「多謝你思貝，希望快啲有機會再同你合作，大家一齊努力。」

東網網站 : https://on.cc/東網Facebook專頁 : https://www.facebook.com/onccnews/