情人節2026｜浪漫鐵板燒！金箔加持日本和牛+ 野生澳洲龍蝦+超大澳洲鮑魚 – 板神鐵板燒

又到情人節啦！呢間日式鐵板燒店推出情人節限定套餐「花見之約 · 二人前」，以浪漫「花見」做主題。套餐一共12道菜式，最吸睛一定係成隻手掌咁大、超新鮮仲會郁嘅澳洲鮑魚，肉厚彈牙，帶濃郁海水鮮甜，鐵板煎至微焦鎖住鮮味！仲有野生捕獲澳洲龍蝦，肉質爽彈紮實，煎至金黃爆汁，鮮甜爆棚。金箔日本A5牛柳煎至外脆內嫩、油脂香濃，最爆係外層貼上閃亮金箔，超級打卡！其他亮點包括火焰蟹肉魚子醬、帆立貝伴魚子醬焦香多汁，同埋「花戀盛放」刺身盛合。最後以心形水果啫喱作結，甜蜜爆燈！全程睇住師傅即場炮製，為情侶帶來視覺與味覺雙重享受，充滿儀式感。

▲火焰蟹肉魚子醬：火焰後爆出鮮甜蟹肉、魚溶、鹹香三文魚子及魚子醬，將所有混合，層次豐富。

▲花戀盛放(刺身盛合)：新鮮刺身拼成漂亮花盒，有三文魚、鯛魚、吞拿魚等。

▲天鵝紫薯酥：酥脆千層包住香甜紫薯蓉，咬落外脆內軟。

▲澳洲産鮑魚：超生猛澳洲鮑魚，煎到金黃，仲保持柔嫩彈牙！薄切、厚切一次過試到3種口感，微微海水鮮味。

▲澳洲龍蝦：野生澳洲龍蝦肉爽彈鮮甜，鐵板輕煎鎖住肉汁，加埋龍蝦膏，充滿鮮味。

▲金箔日本牛柳：日本和牛外脆內嫩多汁，金箔點綴，奢華到不得了。

▲金箔帆立貝伴魚子醬：新鮮嫩滑帆立貝，配上魚子醬同金箔，鮮甜吸眼。

▲味噌湯：加入了龍蝦頭熬製。

▲炒飯：粒粒分明、乾身香口。

▲心形水果啫喱：心形啫喱鑲嵌新鮮水果，清爽酸甜。

板神鐵板燒

地址：銅鑼灣告士打道255-257號信和廣場1樓103號舖
電話：28177767
營業時間：12:00-14:00；18:00-22:30

套餐供應日期：

2026年2月13至15日
價格：$2,999(觀塘店) / $3,299(銅鑼灣店)

特別推廣：

• 凡惠顧「花見之約 · 二人前」套餐，即可獲贈「板神情人節特別版」即影即有照。
• 凡惠顧「花見之約 · 二人前」套餐，可以優惠價 $498 加配來自長野縣小野酒造店的板神獨家純米大吟釀一支（720ml）（原價$698），締造絕佳餐飲體驗與氛圍。
• （觀塘店限定）即日至 2026 年 2 月 12 日訂座，惠顧「花見之約 · 二人前」套餐享85 折優惠。

文字：香港人遊香港