張繼聰突擊探班為曹星如打氣　自爆為電影《金童》拜師學拳兩年

香港「神奇小子」曹星如（Rex）早前宣布復出職業拳賽，今個星期日（24日）菲律賓馬尼拉震撼登場，將迎戰前世界拳王挑戰者——菲律賓悍將 Vergilio Silvano，今日（19日）更舉行造勢會，張繼聰驚喜現身拳館，為「恩師」曹星如打氣，自爆原來早前為籌備拳擊電影《金童》，特意向 Rex「拜師」學拳。

曹星如早前飛到菲律賓集訓兩星期，今日公開訓練，狀態大勇。現場看到張繼聰驚喜現身拳館突擊探班，全力為亦師亦友的Rex吶喊打氣！張繼聰憶述，他在Rex打職業賽時，透過贊助商首次認識這位拳壇猛將。其後因籌備拳擊電影，他主動問 Rex有沒有拳館介紹，豈料 Rex 毫不吝嗇，提出親自教他打拳，並一教就是一、兩年，讓他深入體驗拳擊的世界。

張繼聰坦言，別看Rex在擂台上勇猛強悍，私底下的他卻是一位謙謙君子，謙遜有禮，毫無架子，與大眾對拳手「火爆」的刻板印象截然不同，令他深深折服。他更難忘自己人生第一次進行 Sparring（對打訓練） 的經歷：「Rex 當然冇使出真實比賽嘅速度，我諗只係佢嘅5%左右，但佢真係試過喺我眼前突然『消失』，再眨吓眼就已經喺我左面同後面出拳！真係好震撼，好正！」

張繼聰笑說，跟Rex學打拳時，要做很多體能訓練，「我真係見到前面有條發光嘅隧道，差啲以為自己要行過去啦！」感嘆指拳擊運動員的刻苦訓練，令他由衷敬佩。他又感性補充：「識咗 Rex 咁多年，好清楚佢一路走來有幾艱辛。佢唔單止影響咗我，仲啟發咗好多年輕人。喺我眼中，佢係一個拳王，無論經歷幾多高低起跌，佢最打動人心、最神奇嘅，就係永不放棄嘅精神，仍然保持優雅、謙卑同努力，呢個就係拳王嘅真正態度，佢已經展示咗畀所有人睇。」

張繼聰寄語Rex：「希望你今次有好成績，開展人生新一頁。年紀其實只係一個數字，歷史上有好多拳王都喺唔同年紀成功 Come Back。我會繼續陪住你，亦衷心祝福你喺新嘅 Chapter 過得更加精彩、邁向另一個高峰！」