霍汶希生日公開愛女正面樣　星味十足將赴外國升學

星級經理人霍汶希（Mani）2011年秘密於美國秘密誕下女兒Hanni，但生父身份一直沒有公開。她今日（7月17日）就襯52歲生日，罕有地在社交平台公開14歲女兒的正面樣貌，母女更首度合體拍攝雜誌封面。

Mani在帖文中寫道：「今年嘅生日彩蛋，今日正式解密！🎉Hanni一眨眼已經高過我，已經係可以同我並肩企係鏡頭面前淡定擺pose嘅少女喇！！Hanni你帶俾我好多驚喜，一啲都唔怯場，勇敢嘗試人生第一次嘅雜誌封面拍攝，你同我一齊創造呢份獨一無二嘅回憶，係最好嘅禮物！新嘅一歲，我最大心願依然係你能夠平安喜樂！」她同時感謝雜誌邀請，形容是「意義非凡」的母女首次合作。

相中可見，Hanni身形高䠷、樣貌甜美、氣質清新，遺傳了媽媽的優良基因。今次拍攝是她首次公開出鏡，Hanni完全不怯場，表現自然大方。Manni 又透露，讓女兒現身是因為Hanni將於今年赴海外升學，今次合作亦是為女兒留下一個珍貴的回憶。

事實上，Mani一向對女兒保護有加。她在2013年母親節當天首度公開自己已於2011年在美國誕下女兒的消息，宣布成為單親媽媽，並附上與當時仍是嬰兒的Hanni的合照。雖然Mani多年來不時分享女兒生活點滴，但一向刻意遮蓋樣貌，保持私隱。

對於Hanni的生父身份，Mani從未公開，只曾透露兩人已分手，但仍保持朋友關係，間中有聯絡和見面。

今次合照一出，Hanni的亮眼外貌引來關注，阿Sa蔡卓妍留言：「哇！靚呀」，關智斌亦留言：「又靚又可愛」。不少網民則大讚：「有哂媽媽嘅好基因，兩姊妹都好靚女」、「靚到可以直接出道」、「真係眨吓眼已經亭亭玉立」、「你兩個咁靚得唔得架？😄😄」、「妹妹可以出道，媽媽做經理人」。

Mani早年曾任模特兒，14歲時已被星探發掘，21歲加入英皇成為經理人，旗下藝人包括謝霆鋒、容祖兒、Twins及關智斌等。如今女兒亭亭玉立，星味初現，不禁令外界關注Hanni未來發展。至於Hanni會否考慮進軍娛樂圈，Mani暫未作表態。