女神變豬頭 郭柏妍食物中毒疑雲　未搵到致敏原 網民憂有致命危機

前港姐季軍、TVB小花郭柏妍（Rosita）日前在IG驚爆入院消息，曬出多張嚇人病容照，相中見她雙眼紅腫如雞蛋，幾乎無法睜開，情況相當危急。這位27歲的TVB上位花旦詳細描述驚險經歷，原來是遭遇人生首次嚴重食物過敏，症狀來勢洶洶，與一般食物中毒截然不同。

Rosita前年開設Youtube頻道，化身「吃貨」到處食好西，甚料今次食出禍，她在社交平台帖文中透露：「第一次咁嚴重的食物敏感，原本我以為食物中毒⋯⋯」她描述症狀發展極快，不到半小時雙眼已嚴重腫脹影響視力，更出現氣管收縮、呼吸困難等危險情況，同時伴隨流眼水、流鼻水等過敏反應。「一個過山車晚上，sorry嚇親媽媽了！」幸好及時送醫，經注射藥物及治療後已無大礙，她更在社交平台向粉絲跪求檢測食物敏感原的診所推薦。

一眾圈中好友李佳芯、龔嘉欣、陳敏之等都留言送上慰問，關宛珊及黃嘉雯都表示曾經有過類似經歷，高海寧和蔣家旻則建議痊癒後，果斷到診所做食物過敏測試，鼓勵Rosita務必要第一時間找出致敏食物原。

食物敏感原指容易引起食物過敏反應的食物，常見的包括奶類、蛋類、魚類、海鮮、花生、堅果、小麥和大豆等。這些食物中的特定蛋白質或醣蛋白，會被過敏者的免疫系統誤判為有害物質，進而引發過敏反應。過敏反應的症狀包括皮膚紅腫發癢、腹痛、腹瀉、噁心、嘔吐、 氣喘、咳嗽、流鼻水及眼睛紅腫等。

一向屬女神級擁大量男粉絲的Rosita，社交平台的發帖不是仙氣大頭照，就是白滑長腿的性感美照，展現她顏值與魅力，今次突然公開的毀容級數的眼腫照，令粉絲大為震驚。不少網民留言關心表示：「睇到相真係嚇親！」、「好彩及時就醫，氣管收縮好危險！」「要小心飲食，唔好再嚇親粉絲！」「好危險！隨時有生命危險！」「唔好輕視，今次叫做好彩，下次就必未」，對女神病情相當關心。Rosita要好好休息，快快還原靚樣見大家，保重保重。

圖片：IG@rositakpyy