孖蘇皓兒大漠風情畫　陳葦璇帶你豪華版蒙古包Room Tour

藝人蘇皓兒及陳葦璇為旅遊節目《別在蒙古矇查查》擔任主持，帶觀眾認識蒙古國的真實面貌，陳葦璇昨日（22日）在社交網分享二人參觀豪華版蒙古包的Room Tour短片，門外有露台及枱櫈，可以邊睇靚景邊歎茶，進入蒙古包後，可見內裏空間寬敞，亦意外地十分有現代感，3張單人床對住掛牆電視，天花板亦以透天設計，夜晚可以睇星星。原本大家都以為入住蒙古包會擔心洗澡及上廁所的衞生問題，但原來裏面有乾淨的沐浴間及廁所，葦璇更拿起花灑作勢沐浴，非常搞笑。

葦璇分享今次的獨特經歷表示：「豪華version蒙古包真係好正，正所謂有平有貴，今次都未有機會去睇吓$10一晚嘅蒙古包，去蒙古玩又多個選擇啦！你會揀豪華版享受假期定係$10版體驗生活呢？」不過大家睇完兩位靚女的介紹，都表示對豪華版本相當有興趣。

東網網站 : https://on.cc/東網Facebook專頁 : https://www.facebook.com/onccnews/