利華古遜前鋒舒希克即將加盟沙特球隊艾納斯

根據德國天空體育消息，沙特阿拉伯球隊艾納斯已經同利華古遜就邦尼菲斯轉會達成口頭協議，而今次轉會將會超過6000萬歐羅。至於邦尼菲斯加盟艾納斯之後年薪將會由200萬歐羅加到1500萬歐羅，呢位尼日利亞🇳🇬前鋒已經通過艾納斯體測😶

利華古遜前鋒舒希克係記者會被問到邦尼菲斯同艾納斯傳聞，呢位捷克🇨🇿前鋒就話「我今年29歲，仲希望繼續參加頂級水平比賽，對我嚟講去沙特球隊唔係合適時機，但係每個人都唔同，而我一直專注自己，從來無咩留意其他人😉。」

德國天空體育消息又指利華古遜希望搵白禮頓前鋒費格遜代替邦尼菲斯，白禮頓已經知道利華古遜有興趣，但仲未決定會唔會係今個轉會窗完結之前比球員離開，而呢位愛爾蘭🇮🇪前鋒同白禮頓合約去到2029年6月🙂