根據The Athletic消息　利物浦原本想簽英格蘭中場美臣曼治　之後發現曼治想加盟曼聯先至簽蘇保斯禮

根據The Athletic消息，原來蘇保斯禮同加雲貝治未加盟之前，利物浦一直考慮簽入美臣曼治，利物浦好早就決定要簽麥亞里士打同曼治兩位中場。利物浦覺得曼治可以踢唔同位置同埋以合理價錢收購，因為曼治當時同車路士得返一年合約，而車路士都需要賣人😶

利物浦之後就發現曼治希望加盟曼聯，球隊之後即刻轉移目標，希望由RB萊比錫手上簽入蘇保斯禮，而利物浦係蘇保斯禮解約金到期之前最後一日就以6010萬英鎊簽到呢位匈牙利🇭🇺中場，而週薪大約係12萬英鎊🙂

今季已經踢咗10場英超比賽，蘇保斯禮為利物浦踢足每一分鐘，而曼治只係為曼聯有4次正選，無任何入波或者助攻。雖然蘇保斯禮只有1個入波同2次助攻，但作為「8號位」中場球員已經係唔錯數字🤓