多蒙特宣布7.26開始季前訓練或以3000萬歐元簽入一位翼鋒

🎯多蒙特宣布球隊休息三個星期，7月26號開始季前訓練，而球隊將會係8月4號飛去奧地利🇦🇹進行5日季前集訓。去到8月10號將會係主埸舉行球季開幕典禮，到時會同祖雲達斯進行友誼賓。多蒙特係8月16號迎接新球季第一埸正式比賽(德國盃第一輪比賽)，對手係德丙球隊紅白埃遜。

💥根據西德意志彙報消息，多蒙特中堅尼高舒洛達碧克之前左邊膝頭哥半月板撕裂，舒洛達碧克已經開始進行恢復訓練，預計10月就可以復出。至於隊長安利簡之前因為內收肌問題缺席世界冠軍球會盃，不過呢位德國🇩🇪球員將會係三個星期之後恢復訓練，趕得切參加季前集訓。

💣根據圖片報消息，隨住🏴󠁧󠁢󠁥󠁮󠁧󠁿基頓斯以6500萬歐羅轉會費加盟車路士，多蒙特計劃今個夏天以3000萬歐羅轉會費簽入一位攻擊球員，多蒙特希望呢位攻擊球員除咗踢翼鋒，仲可以踢埋輔鋒，而最近同多蒙特傳出緋聞就有效力PSV燕豪芬🇧🇪翼鋒巴卡約高😉