拜仁高層不願滿足烏柏美簡奴要求 續約陷入停滯

根據德國踢球者消息，拜仁希望同中堅烏柏美簡奴續約，雙方係幾個星期之前就展開談判。烏柏美簡奴依家係拜仁拎緊700萬-800萬歐羅年薪，佢希望新合約同戴維斯、梅斯亞拿、甘美治等球員嘅人工唔會相差好遠，所以要求1500萬歐羅年薪(連埋獎金)，,不過拜仁高層唔願意滿足烏柏美簡奴要求，所以續約陷入停滯狀態🥲

消息指烏柏美簡奴同拜仁續約傾唔掂數有機會為拜仁後防造成挑戰，🏴󠁧󠁢󠁥󠁮󠁧󠁿中堅迪亞即將離開球隊加盟摩納哥，🇯🇵中堅伊藤洋輝因為受傷需要休息一段時間;如果收到合適報價，🇰🇷中堅金玟哉都有可能被拜仁賣走，所以拜仁有機會係今個夏天進行後防重組😶

消息又指法甲球隊巴黎聖日耳門有興趣簽烏柏美簡奴，但暫時未提出正式報價或進行實際行動。不過，考慮到如果烏柏美簡奴最後選擇唔同拜仁續約，巴黎聖日耳門有機會成為烏柏美簡奴下間效力嘅球隊，因為呢位法國🇫🇷球員唔單止可以返去家鄉踢球，仲可以繼續參加歐聯呢啲高水平比賽😉

消息最後指出烏柏美簡奴去留主動權依然係拜仁手中，但隨住續約談判陷入僵局，拜仁都開始積極搵新中堅，當中希望免費簽入利華古遜中堅莊拿芬達亞。不過，由於有唔少球隊都對達亞好有興趣，拜仁需要為其他中堅人選做好準備🙃

▼Follow足球仁
Instagram: https://www.instagram.com/football_yern/