香港美食：【韓式濟州島燒肉店登陸香港！佔地2000呎！親民價格食黑毛豬！限定醬油蟹放題+醬油蟹買一送一】

更新於 05月06日18:58 • 發布於 05月06日12:55 • 香港人遊香港

韓國燒肉｜韓式濟州島燒肉店THE JEJU正式登陸香港！

韓燒迷絕對唔可以錯過！由韓國人開設人氣韓國餐廳品牌 Bingo and Cook 為慶祝成立十週年，上星期正式帶嚟全新韓式濟州島燒肉店 THE JEJU 登陸香港！餐廳以濟州島火山地貌為靈感，打造沉浸式濟州燒肉體驗，等你感受正宗濟州風情。THE JEJU佔地超過2000呎，餐廳最大賣點係特製嘅火山石烤盤，搭配濟州直送黑毛豬，經過168小時低溫熟成，烤出嚟香氣四溢，肉質鮮甜多汁，味道一試難忘！甜品方面更加有濟州爺爺火山石像甜品，靚又好味，打卡一流！最重要嘅係依家佢地推出超值醬油蟹優惠，即日起至5月31日，THE JEJU推出醬油蟹買一送一優惠，Bingo and Cook指定分店都提供醬油蟹放題套餐，$298就可以任食醬油蟹、炸雞同炒年糕，簡直係韓燒天堂。即刻約埋朋友同屋企人，去THE JEJU感受濟州島嘅燒肉魅力啦！

▲ THE JEJU佔地逾2000呎，設計靈感來自濟州島玄武岩地貌，牆面採用凹凸質感石材，配合火山岩洞燈光，營造神秘地質公園氛圍！

▲ THE JEJU嚴選濟州直送黑毛豬，包括五花肉、豬肩肉同豬頸肉，配埋特製濟州鳳尾魚醬一齊食，正宗濟州燒烤風味即刻呈現！餐廳更加入濟州島特色菜式，如烤柑、漢拿峰梳打及濟州釜飯，特別係罈子五花肉，濃郁迷迭香香氣，令人一試難忘！

▲ 濟州島直送嘅醬油蟹，鮮甜肉滑，配埋濃郁醬油香氣，簡直係口感爆棚。優惠期間，叫一份即送多一份，約埋朋友一齊食最啱！

▲ 必試Dolharbang濟洲爺爺甜品，黑芝麻朱古力配柑橘果泥，清新又濃郁，賣相吸睛，味道滿分！