梅拿最近被問到點解咁多年一直效力拜仁梅拿：「拜仁對我嚟講就係最完美球隊」

拜仁教練甘賓尼係記者會透露「梅拿最近有啲唔舒服，佢已經缺席左球隊三日訓練，我希望梅拿今日可以恢復訓練，從而可以參加聽日比賽(今晚拜仁主場對緬恩斯德甲比賽)。」，而梅拿有份參加球隊琴日訓練，狀態睇起上嚟都唔錯，如果梅拿今晚上陣，將會係佢個人第500次德甲上陣比賽🤓

根據圖片報記者Christian Falk消息，梅拿最近拒絕左意甲球隊費倫天拿同美職球隊辛辛那提邀請。由於美職球隊洛杉磯FC同拜仁有合作關係，而拜仁CEO德列臣同梅拿團隊都積極推動呢單轉會，所以呢位記者預測梅拿今個夏天有60%係直接退役，亦都有40%就係加盟洛杉磯FC😶

梅拿最近接受雜誌KIDS MAGAZIN被問到點解咁多年一直效力拜仁，梅拿就話「拜仁對我嚟講就係最完美球隊，雖然有啲時間情況唔太順利，但我從來未真正諗過離開，就好似前教練雲高爾曾經想帶我去英格蘭，但我當時無咁樣做。過咗咁多年啦，我仍然仲係度，感覺仲係幾好😌。」