雲浩影被指食水煙仙氣不保　嬲爆發文回應：我冇食

有「仙氣女神」之稱的歌手雲浩影（Cloud），近日被網民質疑人設崩壞、形象受損。有網民從她朋友的Instagram限時動態截圖，指發現Cloud與男友T-Ma及兩位朋友在中環一間酒吧消遣時，桌上擺有水煙裝置，懷疑她有吸食。帖文其後在社交平台被轉發，引起討論。

部分網民發文指「又話仙氣女神」，形容她「仙氣變煙氣」，質疑其清純形象崩壞，亦有人關注在室內吸煙是否違法。不過，亦有不少網民認為食水煙並非大事，甚至笑言「食水煙噴出嘅正係仙氣」，又指有人對事件反應過大。

針對事件，雲浩影昨日（12日）在社交平台發文澄清，否認有吸食水煙。她寫道：「從來不想給haters任何attention，但今次不吐不快。1. 沒有食水煙 2. 只是支持朋友開的酒吧 3. 枱上白酒我有飲，同時多謝很多心水清的網友。」

其後有網民留言替她抱不平，指「香港地做公眾人物好慘，仲係長期雙重標準」、「其實食水煙真心無咩野，唔駛太上心」。雲浩影亦回覆表示：「I agree 食水煙冇乜野，但係我冇食🤣。」