自閉症｜張致恒囝囝確診自閉症及過度活躍症 雯雯身心俱疲：覺得自己有精神問題
藝人張致恆Steven與太太區燕雯（雯雯）於2019年結婚，四年抱四，惟一直以來是非多多，夫妻關係更是「一時糖黐豆，一時水溝油」，先後多次經歷離婚邊緣。雯雯前日（27日）凌晨在IG限時動態抒發感受，提及接連面對大大小小的挑戰，包括狗狗都有健康毛病、兒子確診患自閉症，以及近日有親人罹患癌症。
雯雯透過限時動態發文透露，2024年伊始，已經接連遇到不幸的事，寫道：「有最錫我嘅親人不幸患上癌症/再有兩個狗狗痾血，心臟、肝、胰臟炎/再有一個兒子確診autism plus hyperactivity/坦白講照顧呢類小朋友/無論係身心情緒都係好大嘅學習/我一個人真係冇能力，同一時間可以照顧到四個小朋友，應該話可以照顧到，但係會有一定嘅危險/最近兒子先跌爆咗隻耳仔，醫生同我哋講呢類小朋友一年起碼會去幾次急症室要有心理準備/而家每一日面對佢嘅行為情緒都係一個好大嘅挑戰/同時因為屋企其他嘅小朋友仲好細/亦都會受到影響，我哋亦都要好努力學習點樣可以得到一個平衡」。她又形容：「2023年我可以話所有嘅壓力接近爆煲/雖然我個心裏面確確實實真係想離婚/亦都不斷爆出唔同嘅情緒（不斷流出大家所謂嘅笑話）/連我自己都覺得我自己有精神問題/經常性會出現一個惡魔叫我帶埋小朋友離開呢個世界就可以得到解脱/發生咗咁多事/好現實，咁話俾自己知兩夫妻已經唔係兩個人嘅事/要照顧好佢哋一定要兩個齊心/冇咗是但一個根本係冇可能做到/呢段時間我好多謝steven cheung都不斷學習點様照顧好仔仔/亦都實實在在多謝你同我一齊面對全世界嘅責罵（話我哋只係識借錢，又唔自己出去做嘢）/當中嘅難處，只要我哋先會明白」。
「咁難先行到呢一步/呢兩個月我哋又係咪真係可以咁好彩渡過到？只要堅持唔放棄，就真係可以過到？好攰，每日都真係好攰/我相信先苦後甜/呢一刻叫我做啲乜嘢犧牲啲乜嘢，我都願意/如果可以換來4個仔同狗狗將來可以有安穩嘅生活/其實犧牲自己又有咩所謂/既然咁難先可以行到姐姐差唔多嚟呢一步/上天可唔可以俾機會我哋過埋呢一兩個月？發生咗狗狗嘅事，亦都令我醒覺/其實生活靜靜地平凡安穩就足夠/自己嘅情緒自己知道就足夠/如果能夠過到依兩個月/我希望同自己嘅家人能夠搵一個地方靜靜地渡過/遠離呢個公開又複雜嘅地方」。
自閉症｜了解自閉症徵兆及簡單自我測試
精神科專科黎大森醫生曾表示：「自閉症是一種發展性的障礙，患者在語言表達、社交能力方面都有不足，而且行為上會出現固執或重複的情形，影響他們的學習、人際關係和正常運作。」
如何分辨小朋友有沒有自閉症？職業治療師梁美詩曾分享，自閉兒童的語言發展都是遲緩，他們的理解和表達力都較弱；口語發音都較刻板，欠缺高低音調；重覆說話及問相同的問題是常見的特徵。
另外，自閉症兒童的社交反應亦可能有異常的表現，或會逃避目光的接觸，對聲音或外界事物不感興趣，甚至自我封鎖，不察覺到別人的存在。到他們願意與人交往時，或會長篇大論訴說自己喜歡的話題，完全忽略對方的反應；或者有時詞不達意，問非所答，要其他人費盡腦汁估計他的意思。他們亦很自我和單調，每次都玩同一類的遊戲活動；不甚接受其他小朋友的意見，這亦是他們要結交朋友的障礙。
梁美詩續指：「自閉症兒童亦有他們的天賦與優點，他們的視覺及聽覺辨別能力較高，記憶力較強，能將一些情景仔細無暇的繪畫出來；甚至乎將只聽過幾遍的歌曲，憑記憶力能正確地演奏出來。」
自閉症傾向患者有甚麼特徵？即刻了解更多：簡單測試按此 Text：Fion
圖片來源（部分）：雯雯YouTube；張致恒、雯雯IG截圖
延伸閱讀：