《女神配對計劃》下月一連5晚推結局篇　9月14日播最後一集

TVB戀愛綜藝《女神配對計劃》將於8月24日播出第12集後將暫停播映兩星期，並將由9月8日起，推出結局篇《女神配對計劃 最後告白》，周一至周五晚十點半播出第13至第17集、並於周日（9月14日）播出最後一集。

而昨晚（8月11日）播出一集中，成功洗底的富二代林堡熙（Eddie）爆Seed，以真誠力追葉蒨文（Sophie）與曾展望（GM）一爭長短；羅毓儀（Yuki）在GM幫忙下與海淦清T.Max解開心結，關嘉敏（Carman）的組別一樣有不少Talking Point。而5位女神都有隱藏任務，須根據製作組派發的指定「情況」、交戲考驗同組求愛勇者的臨場反應，而Carman的題目是「假如愛犬Two Two出事」。Carman聲稱愛犬出事兼哭成淚人後，當時同組的劉啟進（Matt）負責搞Gag嘗試舒緩Carman情緒（畀張唔恰當嘅紙巾叫Carman頂住先，但個樣好真誠），林澤謙則索性企起身為Carman抹眼淚，動作維持了好一陣子之餘，又不斷安撫Carman：「你要冷靜啲，如果連你都好唔冷靜，咁就會冇人幫到佢」、而Him問「使唔使睇吓佢先？」則表現溫柔。

原本已被調走的黃家俊（Matthew），眼見自己女神Carman出事即跨組慰問之餘，又主動幫Carman聯絡獸醫朋友詢問意見，最後更陪Carman執拾細軟準備離開。與此同時，Carman組另一原組員細John卻全程對Carman置之不理，Carman亦忍不住直認失望：「Matthew好可靠」、「反而我又再一次失望喇，細John佢冇行過嚟。」但原來細John眼見視線範圍內，李芷晴、梁敏巧及Carman差不多同一時間出事，即明白是製作組搞鬼，故才決定繼續透爐。

事後Carman在社交平台「賽後檢討」，自嘲當日百忙之中沒有管理好手提的屏幕顯示，以致接電話時出現極大穿崩位，「受騙者」之一的Matt即搞笑tag阿謙兼留言：「我哋要驗眼」。