女子遊太平山頂跌iPhone 警員「搵命搏」撿回　網民批浪費警力(有片)

社交平台流傳影片，一名說普通話的女子與男伴於太平山頂期間，iPhone手機不慎掉落山下，報警求助後，有3名警員到場，1名警員用欄杆輔助從步道爬下去撿手機，步道上的警員向年輕女子及拍片同行男子指他們不應報警找警員幫忙撿手機，「（我哋）唔會搵條命同你博㗎」、「我哋都打份工㗎咋，其實應該唔同你執㗎」。最終警員幫忙撿回手機後，2名男女不斷說「謝謝」，一名警員要求拍片男子，「你返去你同我小紅書，你同我讚呢個阿Sir（撿手機的警員）」。影片流出後，雖然有網民讚賞警察，惟更多人批評跌iPhone者浪費警力。

要求拍片男子 「小紅書發片讚好」

有網民昨日於facebook群組轉載一段約2分半鐘的抖音影片，見到有警員於太平山頂步道的石堆間行走，步道上有警員表示，「…我哋應該唔同你執㗎，警察都係人，阿叔都講得啱啦，唔會搵條命同你博㗎，啱唔啱呀，我哋都打份工㗎咋，其實應該唔同你執㗎」。

警稱「我哋都打份工㗎，搵條命同你搏？」

該警員續說，「你自己唔小心㗎嘛，係咪先？大風跌咗電話你都要自己去睇下點樣搞㗎嘛，唔係搵警察嘛，係咪呀？人哋阿叔就明白呀，搵條命同你搏？當份差㗎咋，我哋打份工㗎咋，你記住」。隨後警員要求掉手機的女子拿出證件登記個人資料，其間另一名警員指出，「（你）那麼年輕，你也不走下去，要我們老頭子走下去，還有你看到我們嗎？我們很重的」。

及後爬下去的警員找到女事主丟失的iPhone，女失主和同行男子以普通話連說「謝謝」，爬下去的警員爬上來，向同袍表示「我爬過好多次我先敢落」，又提醒男女「小心啲呀，下次」。

男子續以手機錄影，警員指出「唔好影啦，先生，跌咗落去我哋唔會同你執㗎，唉」。另一名警員說，「唔係，你影唔緊要呀，你影呀，你影完你同我讚佢，你返去你同我小紅書，你同我讚呢個阿Sir（幫忙撿手機的警員）」，及後影片結束。

網民質疑手機跌落海 「動用蛙人幫手執？」

影片流出後，雖然有網民讚賞警察，惟更多人批評跌iPhone者浪費警力，「乜跌嘢可以叫警察來執？」、「呢幾位阿sir熱心幫助遊客／市民，抵讚。另一方面，遊客有否浪費警力？下次手機跌落海，係咪要動用水警蛙人幫你執手機？」、「會唔會全港跌咗電話打3條9就幫手執返」、「開咗個頭，即人人都得」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)