前無綫「御用爛仔」游飈拒被稱「茄哩啡」︰臨時演員都係演員

現年57歲的游飈1990年加入無綫藝訓班而正式入行，直至轉行從商前拍過逾百部劇集，因多年來主要飾演黑社會、強姦犯等角色而有「御用爛仔」等稱號。已轉行從商多年的他近日接受鄧英敏的網上節目《老友鬼鬼》訪問，分享在演藝圈多年的辛酸。鄧英敏在節目開始時指游飈早在15歲時已做「茄哩啡」，游飈立即更正︰「唔好意思，我要更正你，唔好嗌我哋『茄哩啡』，臨時演員都係演員，唔准嗌『茄哩啡』﹗」

游飈在節目中表示當年覺得無綫藝員如神一般存在，於是決定投考藝員訓練班。他回憶上藝訓班最難忘的是「茄輪」課，當時的客席導師劉家豪要他們全班7男14女練習接吻，並於兩星期後考試。游飈說當時他們7位男生拍手掌叫好，14位女同學就慘叫「Oh No」。游飈表示兩星期後被劉家豪評論他接吻時的樣子似在強姦對方。

在無綫多年，游飈被定型做反派，他坦言︰「我唔係介意做任何角色，而係一種角色你做咗超過10幾20年都係喺嗰個位，喺後段嗰10年左右嘅時間，我做到好心灰意冷，甚至有情緒病、精神病，怨氣好大，好容易發脾氣，其實幾不利我哋後期做生意，我每一次發脾氣都冇一次好收場。」

（即時娛樂）