龔嘉欣澄清未離巢 陳家樂代入女兒角色感受切膚之痛

龔嘉欣早前曾受邀到孟加拉探訪貧民窟女性，她今天（4日）與陳家樂和陳葦璇一同出席慈善義賣活動時，坦言獲得視后獎項後身分有變，希望能以影響力幫助別人。對於一直有傳她已跟無綫完約，嘉欣澄清並無此事，認為因近期未有在電視上露面，令觀眾有所誤會。她目前希望專注完成手上的公益工作，之後才拍劇。談及感情方面，嘉欣透露早前出席朋友兒子的生日派對時被朋友們「催生」，將BB衣服轉贈給她。她說︰「佢哋成日話我咁鍾意小朋友、又識湊，冇理由唔做媽咪，仲要買葉酸畀我食。我啲朋友好搞笑，仲急過我，但都幾開心。有目標？咪就係未有囉﹗」

陳家樂坦言最初獲邀參與活動時並不覺得主題與自己有關，直至同事一句話令他深受觸動。他說︰「同事話『你諗清楚，你個女10幾歲就畀人用幾千蚊買去結婚，冇晒自由，你OK咩』，我話『梗係唔OK』。」家樂說一把女兒代入角色去想，便感到切膚之痛，從而真正理解活動背後的深遠意義。陳葦璇說上月到蒙古拍攝旅遊節目時，親眼目睹當地貧民窟的生活環境，深感世界上仍有許多地區面對惡劣條件，因此希望能出一分力，改善當地居民的生活。

談到新歌《幸運兒》，陳葦璇表示這是一首鼓勵自我的作品，同時藉此感謝家人的陪伴與支持。她原以為爸爸看完MV會感動落淚，怎料對方只輕鬆回應「拍手、手指公，我哋全家都上鏡喎」，令她哭笑不得。陳家樂則以爸爸身分分享不同看法：「佢唔喺你面前感動啫，爸爸通常會收埋感動，我都試過返房匿埋張被先至感動，連太太都唔知，盡量唔畀人見到。」被問到可有意為女兒創作歌曲，陳家樂坦言每次彈結他時，見到女兒望住自己便有衝動創作，但自覺才華未夠，暫未成事。他說：「因為係我同佢之間嘅嘢，其他人寫會有少少唔同，我想同佢直接嘅溝通。唔預太太？唔預啊，依家大家爭緊。太太有少少投訴，佢覺得我多咗個情人，唔再係唯一。」

陳家樂透露目前正努力學習結他與功夫，希望裝備自己，日後有機會親身上陣，亦是對演員身分的一種交代。談到會否安排女兒學踢足球，他笑言外界對他誤解太深：「我係鍾意踢波、鍾意曼聯，但唔會干預佢鍾意咩，最重要係佢搵到自己嘅興趣。就算佢鍾意敵隊都冇問題，如果佢喺我咁強嘅氣氛感染下都鍾意到，我會覺得佢好有性格，一定會欣賞同接受！」

（即時娛樂）