《Grand住去大阪》攞獎 C君搞爛Gag 何沛珈為「東張女神」謀福利

「2025香港卓越傳媒大獎」昨晚（5日）舉行頒獎典禮，表彰過去一年業內表現卓越的媒體與廣告企劃。TVB與合作客戶共奪得11項殊榮，包括4金5銀2銅，更首次勇奪「年度最佳媒體大獎」（Media of the Year）。昨晚出席藝人包括高海寧、C君、陸浩明，及3名「東張女神」梁敏巧、何沛珈及廖倬竩。

對於TVB在盛會獲佳績，眾藝人感興奮，有份拍攝《Grand住去大阪》的C君說：「好勁啊真係，一個節目攞4個獎。今次節目唔單止有娛樂性，最重要係實用，好多朋友睇完都問我拎行程跟住玩，最享受呢種攞獎，不如下次拍Grand住去攞獎！」高海寧說：「第一次出席廣告界頒獎禮，可以不停上台拎獎，好似開Party咁。」至於何沛珈搞笑地為「東張女神」謀福利：「今日嚟到廣告界頒獎禮，令我想拍多啲廣告，希望客戶多啲搵東張女神啦。」

（即時娛樂）