孫慧雪與大仔母子檔演《西遊記》　翻睇演出片段爆喊

藝人孫慧雪（雪雪）近日與9歲大的長子Riley「母子檔」上陣演出舞台劇《西遊記》，她接受東網訪問時透露兒子是主辦機構聲動音樂劇團的成員，今次已是兒子第3次參演：「佢本身性格比較怕醜，之前帶佢睇完呢個劇團嘅演出，佢話好鍾意，好想參加，佢最初只是做小配角，因為劇團知道我係佢媽咪，所以邀請我一齊親子檔演出。」

她坦言當時曾考慮了一段時間，因為她還有2歲的細仔要照顧，但由於大仔很想她能參演，加上她認為母子同台機會難得，故此最後答允：「我喺劇中飾演鐵扇公主，佢演紅孩兒，有一場戲係我同佢合唱，講佢大個要去修行，我同佢要分別嘅一場戲，好多觀眾都睇到喊。」她指演出後回到家，當她重看演出片段時也忍不住流眼淚，她形容百感交雜：「個心情好難形容，整晚瞓唔着，原來同仔仔一齊演出係好開心，佢都好開心我可以陪佢，真係一個好溫馨而難忘嘅回憶。而且見到佢成長咗好多，由以前唔夠膽講嘢，到依家喺台上可以講到好大段對白，仲要又打又唱歌，佢都做到，我覺得要對自己小朋友有多啲信心。」

東網網站 : https://on.cc/東網Facebook專頁 : https://www.facebook.com/onccnews/