香港美食：【日本人氣拉麵店銀座篝確認香港開幕！連續兩年獲米芝蓮推介！必試雞白湯拉麵！】

更新於 03月20日13:09 • 發布於 03月20日04:51 • 香港人遊香港

香港美食｜日本人氣拉麵店「銀座篝」確認香港開幕！

香港美食｜等足咁耐終於等到啦！萬眾期待嘅日本人氣拉麵專門店「銀座篝」終於嚟香港開店，網民率先發現商場有佢哋嘅圍板，預告今年5月正式開幕。「銀座篝」喺2013年開業，憑住佢獨特嘅雞白湯拉麵風靡全日本，仲連續2年登上咗東京米芝蓮指南必比登推介，成為銀座區最高人氣拉麵店之一！店舖經常大排長龍，大量日本本地人同遊客都慕名而嚟。餐廳喺日本開設咗唔少分店，上年正式進軍台北，今年終於嚟到香港，想食正宗日本雞湯拉麵嘅朋友記得唔好錯過啦！

▲ 「銀座篝」係備受日本同遊客喜愛嘅餐廳，更有住「銀座第一美味拉麵」嘅稱號。

▲ 「銀座篝」招牌係雞白湯拉麵，餐廳聲稱仿效高級餐廳忌廉湯烹調手法，將雞湯熬製到香濃濃厚，食落冇油膩感！

▲ 除咗招牌雞白湯拉麵，另外都有推出唔同口味嘅拉麵，例如「雞白湯醬油Soba」、「雞白湯蝦Soba」、「味噌白湯Soba」、「雞白湯檸檬 Soba 」等。

▲ 餐廳更曾經推出特色飯類餐點，例如「松露醬油雞肉叉燒奶油飯」、「北海道日式醬汁烤豬肉飯」等等，一樣都好受歡迎。