香港美食：【限定8日！人氣榴槤蛋捲乳酪杯震撼登場！仲有開心果麻糬口味！必食極流心抹茶麻糬包】

更新於 05月12日19:08 • 發布於 05月12日00:50 • 香港人遊香港

港式蛋卷｜人氣港式蛋卷乳酪杯限定登場！

港式蛋捲一直係大家心目中嘅經典小食，但你有冇諗過佢可以更加吸引同好味？森林麵包一連8 日開設期間限定快閃店，佢哋今次將傳統手藝同創新精神結合，帶嚟全新蛋捲系列「蛋卷乳酪杯」！蛋卷乳酪杯將香脆熱辣辣嘅手工蛋捲配上凍凍嘅乳酪球，冰火交融，每一啖都充滿驚喜，絕對係今個夏天最啱打卡嘅街頭小食！乳酪杯一共有六款期間限定口味蛋捲，當中「貓山王榴槤麻糬」絕對係榴槤控必試！細滑榴槤果肉配上手工鮮奶麻糬，再加埋香脆蛋捲，簡直絕配。另外仲有「楊枝甘露麻糬」、「珍珠奶茶」、「榛子朱古力」、「傳統黑森林」同「開心果麻糬」等特色口味任君選擇。快閃店期間師傅親自即席製作全手工蛋捲，確保蛋捲新鮮！同場加映多款人氣麵包同甜品，小山園抹茶麻糬包同朱古力麻糬包都係過往人氣之選。唔快啲mark低日子，好錯過呢個重溫港式經典嘅機會啦！

▲ 森林麵包一直堅持做好麵包蛋糕嘅理念，呢間小店最大嘅特色係將傳統產品注入新元素，等我哋嘅本土美食唔單止可以流傳落去，仲可以吸引更多年輕人認識同嘗試港式傳統麵包蛋糕。

▲ 快閃店推出創新產品「傳統蛋卷乳酪杯」，每一個蛋卷都係即場製作，品牌主理人更會親自到場即席製作，保證新鮮，蛋卷配上凍凍嘅乳酪球，打造出夏日消暑又啱打卡嘅街頭小食。

▲ 森林麵包今次帶嚟六款創意滿分嘅限定口味，傳統黑森林將港式經典黑森林西餅與蛋捲結合，開心果麻糬香濃馥郁，楊枝甘露麻糬甜而不膩，仲有其他人氣口味等你發掘，每一杯都係經典同創新嘅完美結合，快嚟中環街市打卡試啦。

▲ 除咗創新嘅蛋卷系列，森林麵包仲有多款人氣麻糬包等你嚟試，小山園抹茶麻糬包、朱古力麻糬包、芋泥麻糬包、紫薯麻糬包、黑芝麻麻糬包都只係$18就食到，每一款都係以優質材料製作，保證外脆內軟，麻糬拉絲感十足，一啖咬落去就停唔到口！