奥利斯成為今季德甲最佳年輕球員同埋助攻王

拜仁作客4:0大勝賀芬咸德甲比賽，拜仁翼鋒奧利斯先係上半場有個精彩罰球入波，去到下半場助攻甘美治入波，成場比賽有1個入波同1次助攻，呢位翼鋒成為自2014年文迪素傑之後，再有拜仁球員連續4場德甲有入波同助攻🙂

奧利斯最近5場德甲比賽：

1️⃣作客對賀芬咸 - 1個入波⚽️，1次助攻🅰️

2️⃣主場對慕遜加柏 - 1個入波⚽️，1次助攻🅰️

3️⃣作客對萊比錫 - 1個入波⚽️，1次助攻🅰️

4️⃣主場對緬恩斯 - 1個入波⚽️，1次助攻🅰️

5️⃣作客對海登咸 - 1次助攻🅰️

事實上，今次係奧利斯今季第6次係單場德甲比賽既有入波又有助攻，今季歐洲五大聯賽入面就只有利物浦翼鋒沙拿單場比賽既有入波又有助攻次數（11次）多過奧利斯😶

德甲官方宣佈奧利斯除咗成為今季德甲最佳年輕球員之外，仲成為今季德甲助攻王，而拜仁體育總監艾巴爾對於奧利斯俾咗好高評價「奧利斯係我哋其中一個最好收購，佢係我哋未來基石。奧利斯同其他球員有唔錯配合同埋有出色表現，尤其係梅斯亞拿同哈利簡尼無落場嗰陣承擔更多責任。對我嚟講，奧利斯就係今季德甲最佳球員😎。」

運動