混血肥仔疑家暴葉芊蕙罪成　Bob叔證實：係打女人

YouTube頻道BBO（Black Box Office）創辦人混血肥仔（曾達恩Tommy）去年初被爆「偷食」女主持丁彥均（丁丁）。混血肥仔太太芊蕙子（Luby）在事發後在IG出限時動態，表示「大家放心，英國可以即時離婚。」而混血肥仔就列出4點回應出軌指控，透露在簽署分居協議書後，曾經嘗試了解其他對象，但最後都沒有發展成任何親密關係，他亦指Luby要求他在期限之前把物業轉讓到她名下。近日有網民在討論區分享一張英國法庭的資料截圖，顯示「TSANG TOMMY」於2025年12月31日被裁定「Assault by beating」（毆打）罪成。

混血肥仔雖然被裁定毆打罪成，但似乎沒有影響心情，他於上月20日出帖文透露自己考「Life in UK」合格，更分享自創的成功合格方法。而於判決事件曝光後，其前妻芊蕙子（Luby）在社交平台發文：「過去一年多，我確實經歷了很多困難，而這些事情直到現在，仍然未完全過去。坦白說，這一切對我造成了很深的傷害。每天，我都很努力地從井底一點一點往上爬；然而，現實與各種壓力，卻一次又一次把我拉回去，反覆循環。很多時候，我都覺得自己幾乎承受不住。有些傷口，並不是那麼容易說出口。但我仍然感謝當時的自己，能夠堅定地保護自己。公義經常遲到，但至少，它沒有缺席。憑一口氣，點一盞燈。未來的路依然很難，但我仍會繼續尋找走下去的路。最後，如果你正在經歷不幸，請一定要堅定地選擇自己，好好愛自己，成為自己最強大的後盾。謝謝大家。」

而曾經與二人同屬好友的YouTuber「Bob叔」，亦在社交平台公開回應網民的帖文：「一年前啱啱爆咗偷食單嘢嘅時候，Tommy搵我去一間b&b one to one，話係時候要了解吓佢嗰故仔。一坐低佢就同我講佢尋晚俾差佬拉咗今朝先放出嚟，我先知道有家暴呢件事。嗰陣時佢好強調呢個係一個altercation，好似兩個足球員互相推撞，係handbags fight。佢仲俾我睇警察影嘅傷勢相（膊頭紅咗少少，有三個好弱嘅抓痕）。成個會面佢都話自己係成件事嘅受害者，佢仲show埋佢同Luby嗌交嘅對話，但係佢將自己嗰啲回應delete晒，搞到好似Luby單方面發脾氣咁。我返到屋企即刻叫老婆問Luby有冇影到佢嘅傷勢，一睇到即刻唔洗講嘢，呢個絕對唔係普通altercation而係家暴，係打女人。事隔多月法庭終於有判決，而呢個判決係正確，但係我唔會覺得條仆街會知錯，呢啲narcissistic psychopath只會繼續用佢嗰啲屎橋去詆毁Luby同埋呃佢身邊條女，朋友，家人同金主。」

Bob叔之後再留言：「再嘔心啲。佢坐完臭格第二日放出嚟，第一樣嘢唔係慰問吓兩個女，而係叫佢個friend（已絕交）去佢屋企攞返部PS5等佢可以繼續打FIFA。」

Bob叔再憶述混血肥仔與Luby之前的生活：「呢兩年網絡都有好多人格謀殺Luby嘅說話，我話埋俾大家知我哋兩公婆係點睇呢 “兩公婆”。我每次屋企搞party，因為人多兩個女入屋嘅時候會扭計，Luby係每次都會同啲女去一間靜啲嘅房等啲女玩熟咗climatised之後先會出嚟同我哋傾計；仲要有女喺度嘅場合佢唔會飲酒，所以我哋識咗Luby五年淨係見過佢飲兩次。Tommy係點呢？每次一入屋就即刻衝入廚房開啤酒紅酒，然後好似隻pug咁原地自轉，仲會揀個PS5手掣多過揀抱兩個女。係到最後一次聖誕party（未知佢打女人但係吹緊佢偷食），嗰晚佢就成晚抱住兩個女喺度扮好爸爸，但係在場嘅人都知道佢係扮嘢。所以呢一年我喺網絡度睇到啲人話Luby點點點，sorry我哋兩公婆真係睇唔到。」