今晚對住柏林聯德甲比賽，迪亞將會踢正選　拜仁考慮同迪亞續約，呢位中堅有機會今季完咗之後繼續留低

拜仁教練甘賓尼係賽前記者會表示「金玟哉因為跟腱受傷將會休息幾個星期，我希望佢唔會休息太耐，而我哋需要確保唔好比佢承受過多工作量。」事實上，金玟哉已經退出韓國國家隊🇰🇷3月份大軍名單，呢位中堅將會把握國際比賽日休息，最遲4月9號歐聯對住國際米蘭或者4月13號德甲對住多蒙特比賽復出😶

根據德國天空體育消息，今晚作客對住柏林聯德甲比賽將會由迪亞同烏柏美簡奴組成中堅組合。消息又指由於迪亞最近幾個星期都有出色表現，拜仁考慮會同迪亞續約，即係代表迪亞有機會今季完咗之後繼續留喺拜仁，而呢位英格蘭🏴󠁧󠁢󠁥󠁮󠁧󠁿球員一直都希望可以同拜仁續約🙂

拜仁教練甘賓尼最近仲係記者會大讚迪亞，呢位比利時🇧🇪教練記就話「迪亞非常專業，成日都有動力提升自己同身邊隊友，佢亦都係重要比賽扮演重要角色，呢樣證明左只要專注自己工作，你就會得到屬於自己時刻😎。」