Ian陳卓賢新歌《悲觀主義》　道出都市人心聲

嚟到三月，Ian已經馬不停蹄推出第二首派台作《悲觀主義》，係一首特別且道出都市人心聲嘅作品。

「都市中 很多開⼼的⼈ 甜蜜蜜望著路燈 從彼此很吸引到開始有裂痕」

人總會著重於事情悲觀一面，面對愛情更如是。眼見自己過往嘅關係均無疾而終，眼見旁人由甜蜜到漸行漸遠。彷彿步入關係就係走向結束嘅開始，越了解愛情，越害怕去愛。

「誰懂得愛 誰願意解釋愛 有幾天特別快樂 然後被冷落 冰封了半邊腦海」

因此，唔少人比起享受戀愛帶嚟嘅快樂，反而更憂心日後面對失去嘅可能，擔心感情隨時月變淡，甚至唔敢膽保自己會繼續愛對方，依種矛盾與恐懼令人對愛情卻步。

或者未開始嘅關係先係最美好，咁就唔會有分離嘅風險，可以一直守在愛人身旁，將一切定格喺最開心嘅曖昧時刻，永不改變。

「都市中 很多悲觀的⼈ 沉默地望著夜深 談幾多的戀愛也不敢有下⽂」

然而，雖然愛情的確無擔保，但唔嘗試就一定唔會開花結果。就算真係無法走到最後，最少過程燦爛過，亦比一個機會對方感受你嘅愛。因為擔心失去而放棄勇敢地愛，只會錯失幸福，日後後悔不堪。

其實一段關係「成功」與否並無絕對答案，只係視乎你點睇。

「凝望對⽅ 如果可到老 除非可到老 寧願不要有⼈對我這麼好」

《悲觀主義》演繹上相對輕鬆，配上淡淡憂傷嘅歌詞，依種反差令歌曲情緒更深刻。

經過精彩豐富嘅2024，陳卓賢今年繼續用作品說話，非常勤力又有突破。《NPC的一場意外》同《悲觀主義》都比到耳目一新嘅感覺樂迷，期待Ian 2025會再次創下佳績！

「誰類似懂得愛 來為我解釋愛 就這麼望著以後 才想不到我仍愛你」

最後，寄語大家唔好比悲觀主義牽著走，隨心而行，放膽去愛💕

《悲觀主義》Ian陳卓賢
曲：Ian陳卓賢
詞：陳詠謙
編：黃兆銘
監：陳考威

「誰敢保證我仍愛你
曾多喜歡 因此多麼怕喜歡
凝望對⽅ 如果可到老 除非可到老
寧願不要有⼈對我這麼好懂得愛 然後說愛不愛

有幾天特別快樂 然後被冷落
冰封了半邊腦海
誰類似懂得愛 來為我解釋愛
就這麼望著以後
才想不到我仍愛你」

▼Follow hkpopculturelover
Instagram: https://www.instagram.com/hkpopculturelover/