香港美食：【$10蛋撻！美國人氣果昔店 Jamba登陸香港！$39起經典健康果昔＋韓國大熱牛油果咖啡＋必試香港限定蛋撻】

更新於 03月31日18:58 • 發布於 03月31日10:58 • 香港人遊香港

香港美食｜美國人氣果昔店Jamba登陸香港！

各位健康飲食嘅愛好者注意啦！全球超人氣嘅果昔連鎖店 Jamba 終於登陸香港啦！呢間源自加州、由運動愛好者喺1990年創立嘅健康飲品店，將會喺尖沙咀開設香港首間分店，等香港人都可以嘆到呢款風靡全球嘅健康飲品啦！Jamba 唔係普通嘅果汁店，佢哋嘅招牌飲品—果昔(Smoothie)，唔係雪糕，亦都唔係奶昔，而係用100%新鮮水果同果汁即製而成嘅健康飲品。每一杯都富含維他命、礦物質同天然抗氧化劑，完全冇添加人工糖、色素或防腐劑，比你飲得健康又放心。除咗經典果昔之外，Jamba 仲有獨特嘅乳酪杯（Smoothie Bowl）。最令人雀躍嘅係，香港分店仲會推出香港限定嘅迷你蛋撻，絕對係fans必試特色產品！如果你鍾意健康、天然嘅飲品，又或者想換個口味試下外國大熱嘅果昔，就記住去尖沙咀捧場啦！

▲ Jamba 自1990年喺美國加州創立以嚟，已經喺全球擁有超過 800間分店，成功進駐日本、南韓同台灣等地，依家終於嚟到香港選址尖沙咀。

▲ 香港分店一共推出8種經典果昔口味，例如芒果、士多啤梨、橙、花生醬、朱古力等等，分中杯($39)同大杯($49)兩種size。

▲ 乳酪杯就有4款口味，當中最具人氣就係巴西莓小島同士多啤梨脆脆乳酪杯，每款大約$70一杯。

▲ 唔單止有飲品，Jamba仲有各款小食提供添！例如香腸卷($26)、火腿酥($26)、蕃茄橄欖酥($26)等等，啱晒做輕便午餐或者下午茶！最特別嘅係，香港限定嘅迷你蛋撻，兩件只係$10。

▲ 本身韓國限定嘅牛油果咖啡因為大熱都引入左嚟香港，咖啡嘅苦香配上牛油果嘅香滑口感，飲一啖就停唔到口！