消失的味道｜谷德昭重遊「太白海鮮舫」 勾拍《食神》回憶

ViuTV節目《消失的味道》今晚（28日）播出的一集，谷德昭舊地重遊，到訪拍攝電影《食神》的「太白海鮮舫」。雖然已停業，但「太白海鮮舫」仍保持著當年裝潢，勾起谷德昭的回憶：「呢度嘅特色係佢啟發咗我哋食神歸位嗰樣嘢，如果唔係可能冇呢個Ending㗎。」

以前的「太白海鮮舫」是高級食府，顧客全部非富則貴，很多達官貴人甚至會駕駛遊艇前來。菜色方面，曾擔任太白海鮮舫、珍寶海鮮舫大總管的陳滿權表示，以前高級酒店的西餐，經常會推餐車在客人面前烹調，自己也引進了一道堂煮的中菜西做特色菜「太白火焰醉翁蝦」，以新鮮活蝦放入玫瑰露酒醃5分鐘，之後直接將蝦點火，燒至八成熟後再用上湯略煮，色香味俱全又有氣氛，大受當時顧客歡迎。

對海鮮舫充滿回憶的陳滿權，面對它的沒落滿懷感慨：「珍寶我睇住佢拖走嘅，當時由最燦爛，好輝煌做到3隻船變返1隻船，我住喺呢度附近，一路望住珍寶拖走，有啲唔捨得，好似失去咗個親人咁，好多回憶，佢就好似養大我嘅爸爸媽媽咁。」

（即時娛樂）