蔡蕙琪驚喜快閃葵芳站　吸過百人圍觀︰好夢幻

憑電影《夜王》中「葵芳Franchesca」一角，人氣急升的蔡蕙琪（Kay)，其角色不但引起網民二次創作，港鐵更首度聯乘電影《夜王》推出車站快閃活動，更將三個話題車站葵芳、葵興同茘景站化身成《夜王》主題打卡位，讓觀眾由大銀幕走入港鐵站，延續網上熱話。而昨晚（13/3）蔡蕙琪（Kay)便來個突擊快閃，用「葵芳」身份直踩入葵芳站，吸引過百市民圍觀。

活動舉行不久，已吸引過百市民圍觀，大家又爭相要求合照，她都有求必應。說起自己跟葵芳站的淵源，Kay都有不少回憶：「葵芳站對我嚟講係一個好熟悉嘅車站，我之前喺葵青劇院，所以成日搭港鐵喺呢頭出入，又要劇團排練，又要趕住拍戲，成日四圍奔波，真係要爭分奪秒。」現場所見，有好多fans 拿着Kay的《夜王》宣傳品，一早到葵芳站守候，除了《夜王》電影fans外，還有一班鐵路迷。且適逢放工時間，葵芳站聚集人群，當Kay一出場即有fans叫喚「葵芳Franchesca」，且舉機拍照，大讚Kay真人靚女，足見葵芳這角色瞬間已深入民心。

被問到近日人氣急升，搭港鐵時冇人認得你呀？蔡蕙琪都感到驚喜：「我平時打扮比較男仔頭、直頭髮，加上我有戴帽，所以啲人未必認得我；但今日我好開心自己精心炮製嘅『葵芳Look』可以將葵芳依個角色再次呈現係觀眾面前。」提到今日活動中群情洶湧的盛況，蔡蕙琪表示：「真係好夢幻！竟然可以聽到自己廣播嘅聲音，冇諗到自己有一日可以參與其中！所以感覺置身係夢境之中！我會好好記錄今年，學識欣賞自己，同時感恩前輩嘅提攜，我希望嚟緊有更多作品，畀大家睇到另一面嘅阿Kay。」