湯馬士梅拿美職聯地標戰入波被判無效

🎯前拜仁球員湯馬士梅拿為溫哥華白帽上演美職聯地標戰，梅拿係比61分鐘後備上陣，上陣之後無耐梅拿就有個禁區外入波，可惜隊友越位令到入波被判無效。梅拿踢咗30分鐘，當中有83%傳球成功率、27次掂波、4次重奪控球權同埋2次成功長傳，表現真係唔錯，希望梅拿儘快搵到第一個入波🙂

💥根據圖片報消息，梅拿轉會加盟溫哥華白帽之後搬入温哥華市中心一個高層單位，而梅拿同太太暫時分開生活。梅拿接受訪問就話「去到今年之前，我都係自己一個人住，話晒我都係因為體育事業而嚟到呢度，而且我可以透過國際比賽週飛返去德國🇩🇪，再加上太太專注緊馬術比賽😉。」

💬梅拿又話「我自己都識煮飯同吸塵架，話晒我都係成年人，再加上溫哥華呢個單位位置都幾好，可以睇到球場。」。消息又指梅拿積極適應加拿大新生活，梅拿希望新隊友當佢只係普通隊友，而唔係球星。而且，梅拿提早同體育總監找晒所有隊友電話號碼，希望主動聯絡佢哋🤓