我愛九龍城｜蘇韻姿性感誘惑敖嘉年︰似睇《恐怖在線》

敖嘉年笑言與性感上陣的蘇韻姿拍攝時「似睇《恐怖在線》」。（大會提供 / 明報製圖）

敖嘉年、蘇韻姿在HOY TV首部原創劇《我愛九龍城》中有感情線。（大會提供）

HOY TV首部原創劇《我愛九龍城》開播在即，蘇韻姿（Andrea）在劇中與敖嘉年，陳思圻（Vicky）有段三角關係，她近日更有超性感造型流出。相中的蘇韻姿為迷倒敖嘉年施展渾身解數，性感程度令人嘩然。

敖嘉年說︰「喺髮型屋嗰場，我完全唔敢望，睇playback嘅時候更加嘩嘩聲，好似睇《恐怖在線》，突然間見到啲咩咁。開心嘅，非常之有驚喜，拍得好靚！完全唔使鏡頭燈光遷就已經有嗰個效果！」

蘇韻姿亦十分期待：「因為呢個形象同我以前完全唔同，又染髮又好狂野，角色亦因為環保嘅關係著得比較少布，哈哈！我諗觀眾應該都未見過呢個我！究竟我可唔可以成功吸引到劇裏面嘅敖嘉年呢？大家留意《我愛九龍城》啦！」

（即時娛樂）

我愛九龍城｜蘇韻姿性感誘惑 敖嘉年︰似睇《恐怖在線》