關智斌為開演唱會每日跳足8小時 童話角色亂入主題曲MV

關智斌（Kenny）近日忙得不可開交，一邊為本月26及27日於啟德體藝館舉行的《The Endless Adventure Live in Hong Kong》演唱會密集綵排，一邊推出演唱會主題曲《夢不落派對》。

新歌延續《永遠的彼得潘》跳唱風格，Kenny興奮分享歌曲概念：「呢個Party冇規矩，小丸子可以同哥斯拉跳舞，屍新娘都可以切蛋糕！MV好似置身奇幻國度，我同舞蹈員齊齊跳舞，仲有童話角色亂入，好似細個發夢咁，乜都有可能。」

《夢不落派對》由陳考威、SeaTravel、Chai Shing Di及Syamil聯手製作，節奏輕快、充滿funky元素；林若寧填的詞更是天馬行空，把各路經典角色拉在一起開派對，打造最盛大及意想不到的夢幻盛典。Kenny笑言拍MV拍到不捨得收工：「成個廠都係氣球同色彩繽紛佈置，好似去咗《夢不落帝國》，我仲扮彼得潘，好似返咗細個，乜都唔使驚，盡情玩！」

演唱會進入最後衝刺階段，Kenny透露：「日日跳足8個鐘，對腳都唔係自己咁濟，但為咗同大家一齊玩，幾辛苦都值得。」

（即時娛樂）