《九龍城寨之圍城》出戰奥斯卡 代表香港角逐最佳國際電影獎

《九龍城寨之圍城》正式代表香港，出戰第97屆奧斯卡角逐最佳國際電影。

早前曾經誤傳過消息再否認之後，如今終於正式確認消息。其實結果亦毫無懸念，畢竟《九龍城寨之圍城》為香港電影重返康城影展，已是國際水平上一大紀錄。

主要劇組成員回應如下：

導演鄭保瑞：「好開心，好榮幸！」

古天樂 ：「好開心，電影《九龍城寨之圍城》代表香港角逐奧斯卡『 最佳國際劇情片 』，覺得好榮幸。我第一次憑香港電影入圍奧斯卡，可以將香港嘅武術同情懷帶到去全世界，讓更多人了解香港電影，同時間可以帶領新一代演員邁向國際，感到非常興奮。」

林峯：「多謝各界對《九龍城寨之圍城》的欣賞，仲有機會走進奧斯卡，呢齣電影係整個團隊嘅努力，榮幸能夠參與。」

劉俊謙 ：「聽到《九龍城寨之圍城》能夠有機會代表香港電影去到奧斯卡參賽，感恩觀眾對呢部電影嘅支持，亦都好榮幸有份參與。不管結果如何，團隊上下一心的努力，今天的成績已經是對我們最大的肯定。」

伍允龍：「第一個反應是好驚喜和興奮，估唔到自己喺美國睇香港功夫片長大，兜返一個圈，估唔到自己有份參演嘅香港功夫電影會喺奧斯卡出現，非常感謝《九龍城寨之圍城》團隊嘅付出。」

胡子彤：「十分感動，非常有幸參與《九龍城寨之圍城》演出，亦非常榮幸得到這個機會角逐奧斯卡，無論角逐成功與否，都是對團隊一個肯定。希望今次有機會角逐奧斯卡的事情，令到本地電影業界更有動力做好香港電影。」
張文傑：「好榮幸及開心，係團隊努力成果，希望透過今次讓更多人喜歡香港電影，香港動作電影。」

此外，今次奧斯卡的對手分別為台灣《老孤狸》丶韓國《12.12首爾之春》以及日本的《仇雲殺機》等等。

期待電影能為香港再度登上國際舞台。

▼Follow themovietraveller
Instagram: https://www.instagram.com/themovietraveller?igsh=MW51am9oejN2YmlkNg%3D%3D