香港美食：【日本平價意式餐廳Parmenara確認香港開幕！番茄手工意粉/三重芝士蜜糖薄餅/半半薄餅】

香港美食｜日本平價意式餐廳Parmenara確認香港開幕！

香港美食｜近排成日聽到有新嘅日本餐廳登陸香港，今次係等到意粉控最期待嘅Parmenara啦！早前喺網上一直有Parmenara香港開業嘅 傳聞，最近有眼利嘅網民發現喺商場見到Parmenara嘅圍板，預告即將開幕，等到全港意粉迷都好興奮！呢間餐廳點解咁吸引？因為佢本身喺日本已經係一間超人氣嘅意式連鎖餐廳，主打手工意粉同 薄餅。佢哋嘅意粉全部都係以獨家「古法土鍋」烹調，同一般意粉唔同， 口感會特別彈牙有嚼勁，再配搭「皇者級」嘅帕馬森起司，每一啖都充滿住濃郁嘅意大利風味！另外佢地仲有正宗意大利薄餅，同埋多款自家製甜品，樣樣都係日本人氣之選。另一個特色係價錢親民，喺日本一碟薄餅低至540円（約港幣$29），雖然香港價錢一定會比日本貴，但相信依然會保持平價嘅特色，想必到時又會引起一陣排隊熱潮！

▲ Parmenara係備受日本食客喜愛的意式連鎖餐廳，唔少日本人都係 餐廳常客。

▲ 店舖人氣第一位係「番茄馬蘇里拉芝士意粉」，有新鮮番茄嘅甜酸味，再搭配濃郁奶香嘅馬蘇里拉芝士， 相當吸引！

▲ 餐廳招牌薄餅係「瑪格麗特薄餅」和「白雪蜜糖薄餅」， 「瑪格麗特薄餅」將材料比例調配到最完美， 「白雪蜜糖薄餅」搭配上三款精心挑選的芝士，再配以生忌廉和香甜的蜜糖，甜而不膩，令人回味無窮。

▲ 如果你想一次品嘗兩種口味，不妨試試他們嘅半半薄餅，對選擇困難嘅大家好友好。

Parmenara

地址：新界屯門區屯門鄉事會路83號V City地下G號舖

開業時間：(待公佈)

文字：香港人遊香港