九龍城居酒屋　瀑布芝士爆膏龍蝦｜北斗｜九龍城

話說自從啟德場館開咗，九龍城就冇咁隱世(翻譯: 隔涉)，因為真係多咗好多藉口黎食飯。唔知你地睇show鍾意睇之前定之後食飯，其實我鍾意睇之前食，因為可以約埋飲定兩杯有Feel啲。

呢區除咗泰國嘢，其實都有唔少有feel嘅日本菜，今次呢間都係日本人開，主打都係日本海鮮同居洒串揚，食到同飲到其他地方冇嘅日本嘢，都係按季節空運黎香港，而最震撼當然係呢隻日本龍蝦。

-
🥩炙燒和牛配日本新洋蔥 ($138)
🦪地蛤清湯 - 三重縣直送 ($78)
火炙到油脂爆滿，非常肥美，冇記錯當日係神戶牛，日本三大和牛之一，香港好少地方食到。其實呢到唔少食材都係比較罕見，呢件和牛包住嘅新洋蔥都係。

🦞原隻伊勢海老配瀑布芝士 (時令)
原隻日本龍蝦上，大隻到好似食極唔完咁，輕輕披上薄脆炸衣，肉質非常鮮嫩，先鋪上龍蝦膏，再淋上混合三種芝士嘅瀑布，調較到濃度啱啱好，同時又食到龍蝦嘅鮮甜。

🍤北斗八品串揚盛合 (按時令八串 $438)
🥢厚切牛舌🥢沖繩阿古豬柳
🥢海膽魷魚卷🥢明太子豚肉
🥢千両茄子🥢帆立貝配三文魚籽
🥢甘鯛立鱗🥢子持昆布
1️⃣串揚最好食之處，係做到外層炸衣皮脆輕薄，內裡又Keep到肉嫩Juicy，上枱又唔會油膩，食完都唔覺得係食緊炸嘢咁，呢間就非常出色。

2️⃣而平時多數係單一食材炸起就完，佢地大部份都有特別調味配搭，例如海膽魷魚、搭上櫻花蝦嘅子持昆布，仲有粉嫩嘅厚切牛舌，大家一定鍾意。

2️⃣食串揚醬汁都非常緊要，呢到有足足五款，最特別係自家用蔬菜熬製嘅中濃醬，酸甜開胃解膩，另外仲有胡麻醬、芥末醬、胡椒鹽、日本鮮檸檬汁。

-
北斗
🗺️九龍城福佬村道59號地下B號舖
📞5935 4321 / 5509 4445
❇️開到11pm，啟德行一陣就到，睇完show唔知收未，睇show前飲兩杯都幾有feel。

▼Follow foodiegogoooo
Instagram: https://www.instagram.com/foodiegogoooo/