德國國家隊教練拿高士文：魯迪加受傷之後，舒洛達碧重返國家隊非常重要

✅德國國家隊教練拿高士文講到嚟緊國際賽對住盧森堡同北愛爾蘭兩埸世界盃外圍賽，拿高士文就話「呢兩場比賽贏波就係明確目標，希望可以直接殺入世界盃決賽週。雖然我哋缺少某啲球員，但我哋對呢個陣容充滿信心，特別係魯迪加受傷之後，舒洛達碧重返國家隊非常重要，我哋仲有法蘭克福小將布朗入選🙂。」

💬多蒙特中堅舒洛達碧被問到重返國家隊有咩感受「只要可以入選國家隊，我就會好開心。我之前差唔多有半年無踢過波，依家只係踢咗三場比賽就可以再被國家隊徵召，呢樣係教練拿高士文對我嘅一種肯定，而我會好似平時咁樣，全力以赴去迎接每埸比賽😎。」

🚨根據西班牙傳媒每日體育報消息，巴塞希望出年夏天可以簽一位中堅，並且對多蒙特中堅舒洛達碧幾有興趣，特別係舒洛達碧可以除咗可以踢左邊中堅，仲可以踢埋左閘。舒洛達碧同多蒙特合約去到2027年夏天，去到出年夏天將會得返一年合約，巴塞可能以低過身價4000萬歐羅轉會費簽到呢位德國🇩🇪球員😶