為太太拍片急籌70萬換肝　「我係海俊傑，我唔係騙子」

藝人海俊傑，1994年參加第十三屆新秀歌唱大賽，贏得冠軍後順利入行，但星途一般，近年主力中港兩邊走，努力尋求發展。昨晚（8/11）海俊傑在個人社交平台發片，一臉嚴肅語帶哽咽的他，在影片中公告其太太莫家慈患有急性肝硬化，現在於內地醫院急需籌錢換肝，講到最後更聲淚俱下︰「希望大家幫到幾多得幾多，好多謝大家。」

影片一來，海俊傑便交代自己正身處廣州中山大學附屬第一醫院，並透露其太太患有急性肝硬化。海俊傑︰「呢兩日醫生話可以換肝，我哋喺瑪麗（醫院）已經住咗20日，係十字車直接轉介到中山醫院，錢銀上，有好好的朋友已籌得70萬，但我而家……仲爭……70萬！我希望大家如果幫到幾多就幫幾多，因為每一分每一秒……都係……都係時間。」

隨後海俊傑講出拍片日子及時間，證明是即時拍攝。而他亦拍大家誤以為是網上騙案，於是補充一句︰「我係海俊傑，我唔係騙子，我之後有好多嘢可以證明畀大家睇，我太太呢兩日可以換肝，但真係爭一半錢……我哋籌到70萬……我哋要150萬……希望大家幫到幾多得幾多，好多謝大家，多謝大家幫忙，唔該……」雖然是網上籌募醫療費，但在片中或帖文上未有列出戶口號碼或提供其他入數方法。

海俊傑於2012年到北京工作期間，認識了任職化妝師的妻子莫家慈，二人於2017年結婚。海俊傑1994年參加新秀贏得冠軍入行，當年勝出後更立即走進錄音室錄歌〈永遠的偶像〉，同年便推出專輯《微風中的海》，速度比很多師兄師姐快，可惜成績麻麻，並未有後續，成為一碟歌手。近年努力在中港兩地尋求發展，有在TVB出席音樂節目或拍劇，今年播出的《刑偵12》便飾演精神病患者林奕明。而他亦是藝人陳慧珊的表弟。