甘美治將迎接個人第100場德國國家隊比賽

拜仁中場甘美治即將迎接個人第100場德國國家隊比賽，甘美治接受踢球者訪問就話「100場國家隊比賽對我個人嚟講好特別，特別係當大家睇返我嘅起點，呢樣令我覺得好自豪，我覺得自己有理由為呢個里程碑覺得驕傲，因為呢100場比賽證明我係過去9年一直都有高水平發揮，而且保持健康同埋有幾好狀態😉。」

之後記者就問點睇過去15個月，甘美治就話「國家隊需要依賴一個框架同團隊結構，呢樣需要大賽之前一年半左右慢慢建立，而我睇到我哋發生緊呢啲嘢。老實講，我曾經擔心我哋歐國盃之後需要大規模重建，因為我哋失去四位對球隊有長期影響嘅重要球員-紐亞、梅拿、根度簡同埋卻奧斯，但我哋穩定之後都踢得幾好，有啲比賽嘅表現仲好過歐國盃😎。」

甘美治最後就話「嚟緊歐國聯決賽週對我哋非常重要，雖然呢個唔係傳統大賽，但我哋將會有一次參加四強甚至決賽經歷，教練同我哋成個團隊都好重視呢個比賽，我記得之前德國3:3打和意大利返到更衣室之後睇到大家好重視今次晉級，我真係覺得好開心😁。」

▼Follow足球仁
Instagram: https://www.instagram.com/football_yern/