紅軍主場求勝止住頹勢 水晶宮反擊快或有波入

聽晚英聯盃將上演多場英超內訌嘅戲碼，深夜3:45分有利物浦鬥水晶宮，同阿仙奴撼白禮頓，4點仲有紐卡素係聖占士公園迎戰熱刺，第四圈已經場場都係硬仗！

1️⃣ 10月30日 03:45 利物浦 vs 水晶宮

主隊利物浦近況可以話係跌入谷底，佢哋上一輪聯賽作客竟然以2:3不敵賓福特，慘吞聯賽四連敗，球隊嘅把握力同埋尾段防守都出現嚴重問題。不過今場返到晏菲路踢盃賽，紅軍一向嘅主場氣勢同壓迫力，始終係佢哋爭勝嘅最大本錢。客軍水晶宮上一仗聯賽就踢得唔錯，作客阿仙奴雖然最終被舊將伊斯一箭定江山輸0:1，但整體防守相當有紀律。預計今場水晶宮會繼續穩守突擊，靠馬泰達嘅衝刺力去製造威脅；而紅軍急需一場勝仗反彈，而水晶宮亦都有能力偷雞，兩隊今場大有機會刷入球！

阿Lo推介：全場入球 3/3.5大

2️⃣ 10月30日 03:45 阿仙奴 vs 白禮頓

另一場英聯盃焦點，由阿仙奴坐鎮主場酋長球場迎戰白禮頓。主隊兵工廠上一輪聯賽就係主場憑住伊斯嘅入球，1:0小勝水晶宮，繼續喺聯賽榜領跑，狀態穩定。預計領隊阿迪達今場會作出部分輪換，但球隊嘅整體壓迫同死球戰術依然成熟。客軍白禮頓上一仗作客奧脫福，就以2:4不敵曼聯，球隊喺防守轉換時嘅漏洞再次暴露。雖然佢哋進攻有一定威脅，但後防線壓力下容易失位。考慮到阿仙奴主場威力強，加上白禮頓後防唔穩，兵工廠睇高一線。

阿Lo推介：全場讓球 阿仙奴（-1）上盤

3️⃣ 10月30日 04:00 紐卡素 vs 熱刺

壓軸上演嘅英聯盃大戰，由紐卡素喺聖占士公園主場迎戰熱刺。主隊「喜鵲」上一輪聯賽總算止血，主場憑住古馬雷斯補時階段嘅絕殺入球，以2:1反勝富咸，士氣大振。不過球隊中後場仍然有唔少傷兵，今場盃賽或會作出調整。客軍熱刺近況就相當唔錯，佢哋上一仗作客葛迪遜公園，憑住中堅雲迪芬接應角球梅開二度，加上沙亞埋齋，以3:0大勝愛華頓，球隊近期嘅死球戰術極具威脅。兩隊都係攻強守弱，加上紐卡素主場氣勢十足，而熱刺反擊同死球都有板斧，今場對攻入球show嘅機會相當高。

阿Lo推介：全場入球 2.5/3大

投注過關嘅朋友可以留意紐卡素對熱刺嘅比賽，如果下半場中段兩隊合共都未攻入2球，可以適時使用「過關派彩快」結算，提前止蝕！入場及投注人士須年滿十八歲，切勿沉迷賭博。

港新聞Instagram：https://www.instagram.com/kong.news/
港新聞Threads : https://www.threads.net/@kong.news