Jer演唱會海報惹負評　再為設計團隊發聲

男團MIRROR成員柳應廷（Jer）今日（12日）在將軍澳為節目錄影，為將於11月底舉行的演唱會熱身。他近日驚喜宣布11月底於亞博舉行個唱，但演唱會宣傳海設計卻引來負評，網民質疑人像退地不夠自然，懷疑是否過度P圖，甚至用AI製作，批評是小學生作品。他則罕有發火在社交網反擊並力撐設計團隊：「真心嬲咗，呢個世代真係全民Designer？」問到他是否嬲爆？他說：「少少，又唔係好嬲，因為係成個團隊、設計師、自己都畀咗好多心機，今次嘅主題係有鬆郁矇嘅感覺，希望畀驚喜大家，唔係話要責怪大家，明白會有人鍾意、有人唔鍾意，自己滿意效果，啲相好靚，希望大家試吓了解咗個主題先，講出嚟係想幫背後團隊講番，冇用AI、冇退地，啲相影出嚟就係咁。」

講到網民將他的海報二次創作？他笑言：「有留意，懷疑係咪要搞個海報創作比賽，當宣傳，反而好多朋友因為咁，好快就知道我開演唱會，搵我撲飛，希望反應好再加場。」操肌3年的他胸肌脹卜卜，問到會否在演唱會騷肌？他則說：「唔會喇，要有啲啱嘅歌先得，冇理由唱唱吓慢歌除衫，好奇怪囉，操肌係為咗着衫好睇，我覺得人生係要有首性感嘅歌，到時就有機會除衫。」

東網網站 : https://on.cc/東網Facebook專頁 : https://www.facebook.com/onccnews/