李昭南被粉絲搭膊頭攬埋身　直認嚇親：大家唔好咁衝動

ViuTV李昭南（Mishy）昨日（12月18日）擔任劇集《存酒人》記者會主持，晚上她在社交平台發文，透露在會場被一名男士相邀合照，但「對方好大力搭住我膊頭，將我攬埋佢度，由於發生得好快，對方用咗一定力道。我當下嚇親，即刻推返開、後退，表明：『唔可以搭住我膊頭。』」。Mishy表示「過程中我唔舒服，但冇受傷」，呼籲大家尊重所有男女藝人嘅個人空間，「合照唔好咁衝動」。

李昭南在社交平台分享事發經過：「為免大家擔心，我清晰啲講返今日合照事件經過。今日喺某酒店主持記招，步行到酒店門口附近，有位男士問：『李昭南，可唔可以合照？』通常有禮貌問我，我都好樂意合照。喺我回覆『可以』嘅同時，對方好大力搭住我膊頭，將我攬埋佢度，由於發生得好快，對方用咗一定力道。我當下嚇親，即刻推返開、後退，表明：『唔可以搭住我膊頭。』」

Mishy希望大家和藝人合照時不要太衝動：「混亂之下，我縮咗去對方身後，而對方再用手踭嘗試reach out掂住我影相。過程中我唔舒服，但冇受傷，我都有即時提醒酒店職員，幫忙注意現場秩序，職員回答見到佢嘅行為。我明白有時大家心情興奮，可能控制唔到自己動作，估計呢位男士已經被提醒過，要注意自己嘅行為，希望大家尊重所有男女藝人嘅個人空間，合照唔好咁衝動，令大家擔心唔好意思，我會注意安全。」

有網民在Mishy帖文下留言，讚她「做咗『有禮而不失反抗』嘅示範」。Mishy回覆寫道：「好坦白講，今次反應快咗，係因為之前睇過新聞報導類似事件。如果冇心理準備，我可能都係呆咗企喺度」。