陳家樂減磅演出全裸上陣　夥廖子妤挑戰尺度親密演出

由廖子妤及陳家樂首度合作主演的電影《像我這樣的愛情》將於明天（11月27日）上映，電影早前入選第38屆東京國際電影節「女性賦權」單元，備受當地傳媒關注。電影公司發布正式海報，宣布電影級別獲評為III級電影，只適合18歲或以上人士觀看。

有別於一般愛情故事，今次二人的背景更添一段需要與被需要的關係，其中，家樂首次扮演性義工角色：「今次我飾演嘅角色叫阿健，佢係一位性義工嚟，會為一啲有殘障嘅人士提供一啲性嘅服務。」。而Fish在戲中正是飾演被家樂服務的對象：「我飾演嘅角色叫做阿妹，係一個腦性麻痹嘅患者，佢冇因為自己身體嘅殘疾或者一啲障礙，令到佢對於呢個世界產生絕望。」

Fish及陳家樂為電影奉上許多第一次，大膽挑戰尺度，二人全情投入追求愛情，互相碰撞出一段深入關係，更於片中帶來超親密演出。當中家樂甚至減磅演出全裸上陣，他坦言今次接拍的角色跟自己愛情觀有極大反差：「呢種愛情嘅感覺同我自己完全唔同，我自己對愛情嘅感覺係好肯定，所有嘢都會好確定，而戲中角色對於愛情好模糊，直到遇到阿妹畀到一種感覺，令佢疑惑係咪愛情，因為有一種好特別嘅感覺。」

Fish亦形容這部電影是非一般的愛情故事：「佢哋嘅相遇係一種服務對象與受助對象嘅關係，加上溝通上面有啲困難，因為阿妹有一啲語言障礙嘅，未必係下下都可以講得好快啊，又或者講嘢嘅聲線唔係好清楚啊，呢啲障礙都會令到呢段關係唔係好似一般人談戀愛咁樣去發生。」