五索懶理被爆向裕美借錢　晒與馬清鏗合照慶10周年

裕美與「最強小三」五索（鍾睿心）過去經常孖住拍片，敢言風格經常引發網民熱議，不過近日突然雙雙於彼此社交平台失跡，即傳出「姊妹反目」。而裕美男友林作早前曾在社交平台留言自稱知道內情，稱只要留言過萬like就會爆料，他今日（22日）夥同律師召開記者會，揭開五索與裕美的反面內幕。

林作在記者會上指五索原是他的客戶之一，後來透過他結識裕美，林作強調裕美並沒有持有五索美容公司的股份，過去二人合作拍片是義務性質，他大爆五索因資金不足，曾向裕美借錢，據知金額約十多萬，但補充對方有借有還，林作亦澄清他與裕美並非貪圖五索有錢，而是視對方為朋友。

另一邊箱，事件主角五索的心情似乎未受影響，她今日下午在社交平台大晒與馬清鏗撐枱腳慶祝10周年的親密合照，又親撰感性長文高調放閃：「一直都好感恩你好錫我，就係因為你咁錫我，所以我對住外人就超好，返到嚟屋企就係咁發你脾氣。你嘅口頭禪係：可唔可以唔好成日咁惡？呢十年過得好唔容易，特別係呢一年～ 老土啲講句，多謝你一直以來包容我嘅任性，我以後會嘗試對你溫柔少少。本身今次嘅旅程你已經計劃好晒，但係我又受到啲負面新聞影響入咗醫院，你同我講咗句：『如果小朋友無咗媽咪點算？』我醒了。原諒我今日少有嘅咁感性。你係100分嘅爸爸，亦都係我100分嘅soulmate。 淨係10週年先會講呢啲嘢。而家唔講，怕之後後悔無講過。Thanks for preparing this trip for ME.」