【新店速遞】灣仔平民飯堂玩轉港式味蕾！必試乾炒牛河Crossover焦糖｜河粉披上閃亮糖衣！甜香微焦！

更新於 2025年7月28日01:14 • 發布於 3小時前 • 香港人遊香港

最近香港品牌出嘅乳酪雪糕甜筒，唔少Threads友話係香港之光！其實仲有好多香港人都一樣密密努力！今次同大家介紹港式平民飯堂，就用乾炒牛河Crossover焦糖，話你知「平凡」點樣可以變「非凡」！人氣餐廳金飯館，大家應該唔陌生啦！由牛頭角椒鹽豬扒飯打出名堂，到旺角生煎肉餅飯一樣大受歡迎，依家終於衝出九龍，喺灣仔開咗「金飯館 3.0 咖喱‧乾炒牛河專門店」，繼續玩轉經典港式滋味！

今次新店有三大「邪惡」新菜式：第一彈係古法焦糖乾炒牛河，焦糖香氣包住河粉，每啖都甜中帶焦，仲加入泰式爽脆芽菜同鮮嫩牛肉，鑊氣十足，完全唔油膩，食過返尋味！第二彈，咖喱蛋炒飯，粒粒金黃炒飯被蛋汁包住，配埋獨家泰香咖喱醬，仲有巨型豬扒、雞扒、手臂魚柳同原隻軟殼蟹，份量勁足，大胃王都話夠！最後仲有升級版沙嗲牛肉西多士，鹹甜夾擊，連唔嗜甜品嘅朋友都話正！

▲古法焦糖乾炒牛河：焦糖香氣包住河粉，每啖都甜中帶焦，仲加入泰式爽脆芽菜同鮮嫩牛肉，新鮮牛肉以獨門手法醃製，保持肉質鮮嫩彈牙，鑊氣十足，完全唔油膩。

▲咖喱蛋炒飯：坊間咖喱飯多數用白飯為主，金飯館就將蛋汁完美包裹每粒飯，炒飯炒至粒粒分
明，乾身彈牙。更特別調整了咖喱醬汁的配方，減少了傳統港式咖喱的油膩感，加入泰式香料，讓整體風味更清新，層次更豐富。

▲ 咖喱蛋炒飯仲可以配多款主菜，包括巨大份量的豬排、雞排、手臂魚柳和原隻軟殼蟹。

▲砂鍋鮑魚雞粒炒飯：採用 200 至 300 頭自家製原粒乾鮑加入砂鍋飯，每啖飯鮮味十足，再配上秘製燒鵝汁，濃郁的鵝油香氣像絲綢般滑順地包裹每粒米飯。

▲沙嗲牛肉西多士：將傳統茶餐廳美食沙嗲牛肉加入西多士，鹹香惹味，即使不愛吃甜品的朋
友，也會忍不住嚐一口。

▲朱古力瀑布西多士：鍾意食甜嘅朋友可以選擇朱古力瀑布西多士，切開即爆濃郁朱古力漿，而多士上灑滿朱古力粉，層次感豐富。