拜仁中埸梅斯亞拿恢復訓練，身穿足踝保護靴進行力量訓練

💥拜仁琴日就宣布中埸梅斯亞拿恢復訓練，而梅斯亞拿著住足踝保護靴係訓練中心沙賓拿大街進行力量訓練。根據圖片報消息，雖然梅斯亞拿對腳仲未可以承受任何壓力，但已經可以進行上半身輕度健身訓練🙂

🎯消息指梅斯亞拿需要用拐杖同著住保護靴6個星期，之後就會再次接受詳細檢查。如果按照計劃進行，梅斯亞拿大約會係8月中恢復輕度跑步訓練，並且加強康復訓練，嚟緊幾個星期可以進行户外訓練。如果所有嘢順利嘅話，呢位德國🇩🇪球員可以係11月尾至12月復出🤓

💡根據踢球者消息，拜仁已經為三位重傷球員設立預期復出時間。拜仁希望第一位復出球員就係🇯🇵後衛伊藤洋輝，希望10月可以復出。至於第二位復出球員就係🇨🇦左閘阿方素戴維斯，預計11月左右復出。最後一位就係🇩🇪中埸梅斯亞拿，希望可以係11月尾至12月復出😀